Tom Cruise ပါဝင်သရုပ်ဆောင်ထားတဲ့ #TopGun Maverick ကိုနိုင်ငံတကာက ရုပ်ရှင်ရုံတွေမှာ 27-May-2020 မှာပြသသွားဖို့ရှိပါတယ်
ဒီရုပ်ရှင်ဟာ 1986 ခုနှစ်မှာထွက်ရှိပြီးအရမ်းအောင်မြင်ခဲ့တဲ့ Top Gun ရဲ့အဆက်ကို ၃၅ နှစ်ကျော်အကြာမှာထပ်မံရိုက်ကူးခဲ့တာဖြစ်ပါတယ်။
Pete “ Maverick” Mitchell (Tom Cruise) ဟာ အထက်ကပေးလာတဲ့ ရာထူးတိုးအခွင့်အရေးတွေကို ရှောင်လွှဲရင်းနဲ့ နှစ်သုံးဆယ်လောက် လေယာဉ်တင်သင်္ဘာပေါ်မှာ အတော်ဆုံးလေယာဉ်မောင်းသူအနေနဲ့ရော Top Gun ဆိုတဲ့ အထူးတပ်ဖွဲ့ရဲ့ နည်းပြအဖြစ်နဲ့ပါပျော်နေခဲ့ပါတယ်။ တစ်နေ့မှာတော့ တစ်မူထူးခြားတဲ့ လေယာဉ်လေ့ကျင့်ခန်းတစ်ခုမှာ သေဆုံးသွားပြီဖြစ်တဲ့ သူ့လုပ်ဖော်ကိုင်ဖက်ဖြစ်သလို အခင်ဆုံးသူငယ်ချင်း Lt. Nick Bradshaw (Goose) ရဲ့သား Lt. Bradley Bradshaw (Rooster) နဲ့ပြန်လည်တွေ့ရှိခဲ့ပါတယ်။
မသေခြာတဲ့ အနာဂတ်နဲ့ အရိပ်လိုလိုက်နေတဲ့ အတိတ်ကအရာတွေကို ရင်ဆိုင်နေရတဲ့ Maverick တစ်ယောက် သူအကြောက်ဆုံးအရာဖြစ်တဲ့ အတော်ဆုံးလူတစ်ယောက်ကို စတေးခံပြီး အထူးစစ်ဆင်ရေးတစ်ခုပြုလုပ်ရမယ့်အချိန်မှာဘာတွေဆက်ဖြစ်မလဲဆိုတာတော့ပိတ်ကားပေါ်မှာဆက်လက်ကြည့်ရှုရပါတော့မယ်။